Әлмәт дәүләт нефть институтының чит ил студентлары Төркмәнстанның Казандагы Генераль консулы белән очрашты
Атадурда Бәйрәмовны милли киемнәрдәге студентлар икмәк һәм чәк-чәк белән каршы алды.
Аннары кунак өчен кампус буенча экскурсия уздырдылар. ӘДНИ студенты, МИКС чит ил студентлары клубы вәкиле Джуманазар Кулиев l тулай торакта яшәү шартлары турында җентекләп сөйләде, бүлмәләрне күрсәтте. Шулай ук генераль консулга Әлмәт рәссамы Вячеслав Терентьев күргәзмәсен күрсәттеләр.
Институтның беренче проректоры Юрий Василенко Атадурда Бәйрәмовны лаборатория-тикшеренү һәм укыту-лаборатория корпуслары төзелешенең барышы белән таныштырды.
Экскурсиядән соң студентлар консулны чәй өстәле артына чакырдылар. Чәй табыны артында мавыктыргыч әңгәмә узды.
Атадурда Бәйрәмов студентларга: "Сез Татарстанда уку мөмкинлегенә ия, ул бик көчле, куәтле регион", - диде.
Соңыннан консул һәм беренче проректор истәлекле бүләкләр белән алмаштылар, студентлар белән бергә фотога төштеләр.
Следите за самым важным и интересным в Telegram-каналеТатмедиа
Оставляйте реакции
