Түбәнмактамалыларны Сабантуй бәйрәме белән Салават та котлады
Шимбә көнне районның барлык авылларында да диярлек Сабантуйлар узды.
Түбән Мактама бистәсе җирлегендә дә югары дәрәҗәдә үтте ул. Сабантуй кунакларының бәйрәм шатлыгын уртаклашырга район башлыгы Мәҗит Салихов та килгән иде. Бәйрәмдә депутатлар һәм иганәчеләр ярдәме белән чакырылган артистлар Салават Фәтхетдинов, Бәширә Насыйрованың катнашуы, баш очында дельтапланнарның күрсәтмә очышлары ямь өстенә ямь булды. Ветераннарның смотр-бәйгесендә җиңүчеләрне, иң яхшы спортчыларны, 60 ел һәм аннан да озаграк бергә гомер кичерүчеләрне, йортлар буенча җаваплыларны һәм башкаларны бүләкләүләр алкышлар астында барды. Уеннарда да актив катнашты түбәнмактамалылар.
Людмила ВОРОНИНА фотосы
Следите за самым важным и интересным в Telegram-каналеТатмедиа