“Сандугач сайрар илем” дусларын җыйды [+ФОТОЛАР]

"Сандугач сайрар илем" - "Татнефть" ААҖ "Рухият" рухи яңарыш фонды тарафыннан оештырыла торган искиткеч зур һәм колачлы проект. Анда ел саен 2000 ләп бала катнаша. Бию, җыр, рәсем сәнгате һәм нәфис сүз өлкәсендә төбәгебезнең талантларын барлап, тәрбияләүне күз уңында тоткан проект ел саен яңа исемнәр ача, бүген олы сәхнәдә балкыган йолдызлар арасында да кайчандыр нәкъ менә "Сандугач сайрар илем" фестивалендә юллама алучылар бар.
Узган шимбәдә гала-концертка килүчеләр агымдагы ел җиңүчеләре һәм быелгы фестивальнең иң матур чыгышларын күрә алды.