Әлмәттә Муса Җәлилне искә алдылар [+ФОТОЛАР]

Каһарман шагыйрь сүзенең көче, каләменең үткерлеге белән соңгы сулышына чаклы иленә тугрылыгын саклады. Шуңа да үлемне ирләрчә батыр каршылаган Җәлилнең исеме җуелмый, аның әсәрләре телдән-телгә тәрҗемә ителеп, бөтен дөньяга горур яңгырый. Ел саен шагыйрьнең туган көнендә аның исемен йөрткән урам чатында урнашкан һәйкәле янында өлкәннәр һәм балалар җыела. Быел да Җәлилне искә алырга дип төбәгебездә яшәп иҗат итүче язучылар, балалар бакчалары һәм уку йортларында белем алучы нәни әлмәтлеләр, шагыйрьне якын иткән гади халык җыелган иде. Бигрәк тә балалар тырышты - үзләре өчен күпсанлы шигырьләр, җырлар язып калдырган абыйларының иҗатына битараф булмаганлыклары сөендерә шул.
Бу көнне Мусаның һәйкәлен кызыл канәферләр бизәде. Кичкә кадәр аның янында "Ачык микрофон" эшләде. Шулай итеп, теләге белган һәркемгә мирофонга килеп Җәлилне искә алырга, аның әсәрләрен укырга мөмкинлек тудырылды, һәм әйтергә кирәк, яныннан ничә узсам да, аның буш чагын күрмәдем.