Әлмәттә Дуслык фестивале үтте [+ФОТОЛАР]

Түбән Мактама җирлегенә бу көнне төрле милләт вәкилләренең фольклор, җыр, бию ансамбльләре җыелды. Район Мәдәният йортының иҗат бүлеге мөдире Эльмира Штарк билгеләп үткәнчә, фестивальнең максаты милләтләрнең гореф-гадәтләрен, мәдәниятен башкаларга да күрсәтү, яшьләрне җәлеп итү һәм төрле милләт вәкилләре арасындагы дуслыкны ныгытудан гыйбарәт. Түбән Мактаманың ветераннар хорын, "Миләшкәем" ансамблен, Яңа Суркиннан "Палан" чуваш, Васильевканың "Эрзянка"мордва, Габдрахманның "Сәрбиназ", Илтән-Бутаның "Илтәнем" керәшен, Рус Акташының бию һәм башка ансамбльләрнең чыгышларын, Тайсуганның үзбәк, башкорт биюләрен халык бик җылы кабул итте.