Әлмәт музее бүләк көтә

Чараны алар шәһәрнең 60, Татарстан нефтенең 70 еллыгы уңаеннан оештыралар. Бу көннәрдә һәр кеше, узган еллардагыча, музейга "тарих эзләрен" саклаган әйберләрен тап­шыра ала. Нәкъ менә әлмәтлеләр бүләк иткән ядкарьләр, шәһәр предприятиеләре һәм оешмалары экспонатлары шәһәрдә музей оешуга этәргеч булды да. Быел беренче тап­кыр бүләкләр номинацияләр белән бәяләнәчәк. Иң үзенчәлекле предмет "Эксклюзив", эшләнү вакыты иртә чор белән билгеләнгәне "Иң борынгы", кызык тарихлы бүләк "Пред­мет-легенда", тормышның аерым бер өлешен тасвирлаганы "Дәвер предметы" һәм музейга иң алдан китерелгән әйбер "Иң беренче" кебек номинацияләрдә билгеләнәчәк.