Әлмәт драмтеатры Тукайга багышлап рәсемнәр бәйгесе игълан итте
Габдулла Тукайның тууына 130 ел тулуга багышлап һәм театрга, туган телгә, милли мәдәнияткә кызыксынуны арттыру максатыннан драметар "Тукай театрда!" рәсемнәр бәйгесе уздыра.
Анда 3-10 яшьлек балалар катнаша ала. Рәсемнәрдә Тукай әсәрләрендәге геройлар чагылыш табарга тиеш. Иң кызыклы рәсемнәр театр фойесында күргәзмәдә урын алачак. Җиңүчеләргә "Шүрәле-шоу"га (комик баттл) чакыру билетлары биреләчәк һәм спектакльне куючылар, актерлар белән фотога төшү, алардан автограф алу мөмкинлегенә дә ия булачаклар. "Шүрәле-шоу" 17 апрель көнне көндезге 12.00 сәгатьтә күрсәтеләчәк.
Рәсемнәр А3 форматында ясалырга тиеш. Исем-фамилияне, туган елны, укыган мәктәбеңне, балалар бакчасын, әти-әтинең телефон номерын күрсәтү мәҗбүри.
Эшләрне 15 апрельгә кадәр театр кассасына тапшырырга кирәк. Кабул ителгән барлык рәсемнәр театр сайтына урнаштырылачак.
Кассаның эш вакыты:
Дүшәмбе - ял,
Сишәмбе-якшәмбе 11.30 - 18.00 сәгатьләрдә эшли,
Төшке аш - 15.00 - 16.00 сәг.
Следите за самым важным и интересным в Telegram-каналеТатмедиа
Оставляйте реакции
