"Ул балачактан ук җитеш тормыш күрмәгән, шуңа күрә кешеләргә һәрвакыт булышып яшәргә теләге бик көчле иде", - ди Флүр Шакиров.
Илһам Шакировның бертуган абыйсының улы Флүр Шакиров җырчының кешеләргә һәрвакыт ярдәм итәргә ашкынуы турында сөйләде. Бу хатирәсе белән ул "Татар-информ" хәбәрчесе белән мәрхүмне җирләгән вакытта бүлеште.
"Илһам абый әйтә торган иде: "Әгәр мин кешегә яхшылык эшли алам икән, минем өчен моннан да кадерлерәк нәрсә юк". Ул балачактан ук җитеш тормыш күрмәгән, шуңа күрә кешеләргә һәрвакыт булышып яшәргә теләге бик көчле иде", - диде ул.
"Ул музыкантларына һәм шагыйрләренә мөмкин кадәр ярдәм итәргә тырышты һәм беркемгә дә "мин сиңа булыштым, син миңа тиешсең" дип әйтмәде. Яхшылык эшләдең -бетте, оныт. Менә шундый игелекле кеше иде ул", - диде Флүр Шакиров.
- Илһам Шакировны бүген Яңа бистә зиратында соңгы юлга озаттылар.
Фото: Салават Камалетдинов