71 яшьлек Бари Алибасов 80 яшьлек танылган актрисага өйләнә
71 яшьлек музыкант, композитор һәм продюсер Бари Алибасов 80 яшьлек танылган актриса Лидия Федосеева-Шукшинабелән өйләнеште. Бу турыда «Газета.ру» хәбәр итте.
Моңа кадәр алар ике дистә ел чамасы бергә яшәгән инде. Никахлашу тантанасы Мәскәүдә узган.
Бу — Бари Алибасовның алтынчы никахы, Лидия Федосеева-Шукшинаның исә бишенче тапкыр кияүгә чыгуы.
Алибасов сүзләренчә, Федосеева-Шукшинага карата аның хисләре 1994 елдан бирле сүнмәгән. Ул “беркайчан да,бер кем белән дә шундый күңел якынлыгы, ихласлыгы һәм ышаныч тоймадым”, ди.
Федосеева-Шукшина һәм Алибасов 1995 елда очраша башлаган. Берничә елдан соң алар аерылышкан, ләкин дус булып калганнар. Хәзер алар никахларын рәсми рәвештә теркәгән.
Следите за самым важным и интересным в Telegram-каналеТатмедиа