Әлмәттә киноконцерт залы төзелешенә 12,6 миллиард сум акча тотылачак

Әлмәттә киноконцерт залын төзүгә 12,6 миллиард сум акча тотылачак. Бу хакта район Советы сессиясендә һәм шәһәр советы утырышында игълан иттеләр.

Инвестицион проектны Татарстан Республикасы Рәисе Рөстәм Миңнеханов хуплады.  Киноконцерт залы төзелеше милли һәм академик музыкаль традицияләргә нигезләнгән югары сәнгатьле ял формалаштыру аша әлмәтлеләрнең тормыш сыйфатын яхшыртуга юнәлдерелгән. 163 эш урыны булдыру планлаштырыла. Проектны гамәлгә ашыру вакыты 2026 ел.