Әлмәттә Ленин урамында Россия флагы балкыды

Россия флагы көне Әлмәттә егетләргә һәм кызларга беренче паспортлар, беренче сыйныф укучыларына мәктәп портфельләре  тапшыру, флешмоб белән билгеләп үтелде.

Дәүләт флагы көнен бәйрәм итүнең иң яхшы сценарие – беренче паспортын алган яшь гражданнарны сәламләү. Үсмерләргә күптән түгел 14 яшь тулды, шуңа күрә документны сәхнәдә район башлыгы тапшыра. Ул шулай ук барысын да бәйрәм белән котлады.

"Безне чолгап алган һәрнәрсә безнең триколор белән бәйле. Бәйрәм белән котлыйм", — дип мөрәҗәгать итте ТР Әлмәт районы башлыгы Тимур Нагуманов.

Ленин урамы россия триколоры төсләренә буялган, 100 волонтер кулларында флаглар тоткан, ә аларны үтеп баручы автомобильчеләр сәламләгән.

"Кешеләр бүген истәлекле көн икәнен искә төшерер өчен, кичке 5тә махсус чыктылар", — дип сөйләде районның балалар һәм яшьләр эшләре идарәсе башлыгы Илнур Фәсхетдинов.

Россия Федерациясе Дәүләт флагы көне илнең рәсми билгеләнгән бәйрәмнәренең берсе. Президент указы буенча 1994 елдан бирле билгеләп үтелә

"Бу истәлекле көн. Моны кешеләргә искә төшерергә кирәк. Тасмалар таратабыз, һәркем флагның  төсләренең нәрсә аңлатканын белергә тиеш", — диде Илнур Фәсхетдинов.

Бәйрәм беренче сыйныф укучыларына портфельләр тапшыру белән дәвам итте. 34 бала аларны спонсорлардан алган.

Оештыручылар патриотик велосипедта йөрү  оештырдылар, аңа Ветераннар советыннан,  студентлар хезмәт отрядларыннан 50 кеше һәм актив яшьләр кушылды.

Яшьләр үзәге мәйданчыгында тематик мастер-класслар җәелдерелде, программаның дәвам итеп, артистлар чыгыш ясады.