Әлмәтнең чыгарылыш укучыларына БДИ буенча кирәкмәгән китаплар һәм методичкаларын тапшырырга тәкъдим иттеләр

Әлмәттә җәйге китап фестивалендә бушлай своп-маркет булачак. ОГЭ һәм БДИ тапшырган теләсә кайсы чыгарылыш укучысы үз методичкаларын яки пособиеләрен имтиханнар тапшырырга тиешле кешеләргә тапшыра ала. Ә булачак чыгарылыш укучылары аларны алып, файдалана алачак, дип хәбәр итә оештыручылар.

«Смена» җәйге китап фестивале ике көн дәвамында, 5 һәм 6 августта, 11.00 сәгатьтән 19.00 сәгатькә кадәр «Каракүз» скверында узачак.