«Телеңне йотарлык» помидорлар

3 килограмм помидор, 200 грамм яшел тәмләткечләр (укроп, петрушка, чия яфрагы ), 1 баш сарымсак, 100 г башлы суган.

Маринад: 3 литр су, 2 аш кашыгы тоз, 9 аш кашыгы шикәр комы, 2-3 лавр яфрагы, 3 данә түгәрәк борыч, 1 стакан 9% лы серкә.

Помидорларны юабыз, банкаларны стерильләштерәбез. Банка төбенә яшел укроп, чия яфрагы, петрушка, сарымсакны вак итеп турап, 3 аш кашыгы сыек май салабыз, аннан помидорларны тезәбез, помидорлар өстенә башлы суганны боҗралап турап салабыз.

Маринад: суны тоз, шикәр комы, борыч, лавр яфрагы белән кайнатабыз, серкә өстибез. Нык кайнар булмаган маринадны помидорлар өстенә коябыз. Банкаларны 15 минут стерильләштерәбез һәм ябабыз.