Нәрсә ул спаржа?

Спаржаны җирдән 4-5 см күтәрелүгә, "сабый" чагында ук кисеп алалар. Уңыш җыю сезоны май-июнь айларына туры килә. Бу чорда дөнья­ның танылган ресторанна­рында спаржа фестиваль­ләре үткәрелә хәтта.

Галимнәр, спаржа вита­миннарга, кальций, тимер һәм калийга бай, организм­ны чистарта, бавыр эшчәнлеген нормага сала, сидек куу үзлегенә ия, дип бел­дерә.

Яңа гына өзелгән спаржа­ны эшкәртмичә, шул килеш тә ашарга була. Алай да, кайчакта артык җепселле бул­ган тышкы катламын әрчеп ташлыйлар. Үсен­тене 8-10 ар итеп бәйләп куялар.

Сабакның аскы ягы өске­сенә караганда озаграк пешә, шуңа күрә аны махсус кәстрүлдә пешерсәң яхшы­рак. Гадәти кәстрүлдә пе­шергәндә спаржаны басты­рып тезәргә кирәк. Спаржа­ны тозлы суда 5 минут тирә­се кайнаталар. Аннан бозлы суга салып торалар. Болай эшләгәндә аның төсе дә, витаминнары да саклана, тәмлерәк тә була.

Спаржадан аш пешерә­ләр, гарнир, хәтта десерт та әзерлиләр. Ә тәмлетамак­лар пешкән яшелчәне зәй­түн маенда яки атланмайда кыздырып, соус белән ашар­га ярата. Спаржа өчен менә мондый соус әзерләргә була. 3 йомырка сарысын болгата-болгата пар ванна­сында җылытырга. Шуңа аз- азлап кына 150 г эретелгән атланмай агызырга. 1 чәй кашыгы лимон согы, тә- менчә тоз өстәп болгатырга һәм уттан алырга. Бу - клас­сик рецепт. Спаржа янына каймакка изелгән сарымсак һәм вакланган яшел тәмләт­кечләр салып болгатылган соус бирергә дә була.