КУАСЛЫ ОКРОШКА
Кирәк: - пешкән ит; - кыяр; - пешкән йомырка; - яшел суган; - каймак; - тоз; - шикәр; - горчица; - икмәк куасы.
Окрошка эшләгәндә ингредиентларны үзең теләгән күләмдә алырга мөмкин, ләкин "алтын" кагыйдә сакланырга тиеш: бер кеше исәбенә 1 йомырка, уртача зурлыктагы 1 кыяр, 50 г ит, 1 ч.к. горчица, 1 ч.к. каймак исәпләнә.
Бу төр аш өчен пешкән йомшак ит алабыз, йомырканы суда пешерәбез, суганны вак итеп турап тоз белэн бераз уабыз (тәм кертү очен), кыярның кабыгыннан чистартып, ваклап турыйбыз. Йомырканы да кабыгыннан арындырып, агын ваклап турыйбыз, ә сарысын тоз белән уып, шикәр, горчица, каймак салып бутыйбыз.
Барлык ашамлыкларны да бер тирән савытка салып, өстенә куас коябыз, яшел укроп, каймак салабыз.
Окрошка табынга салкын килеш бирелә.
Следите за самым важным и интересным в Telegram-каналеТатмедиа