Кайнар туңдырма
Кирәк: * 900 грамм пломбир; * 100 грамм кокос йомычкасы; * өч йомырка; * 150 грамм сохари валчыклары; * бер чәй кашыгы какао; * үсемлек мае.
Эш барышы:
Йомыркаларны бер чеметем какао сибеп күпертәбез.
Каткан туңдырманы эре кисәкләргә турыйбыз. Шуннан соң йомырка, кокос йомычкасы, тагын йомырка, йомычка һәм сохари валчыгында әвәләп алабыз. Моны бик тиз эшлибез!
Туңдырманы коры (югыйсә, ябышып катачак!) тәлинкәләргә тезәбез һәм 30 минутка суыткычка куябыз. Туңдырманы кайнап торган майга батырабыз. Бик тиз эшлибез! Барлык кисәкләрне табага салып бетергәнче 20-30 секунд узачак, хәзер беренче салган кисәктән башлап, икенче ягына әйләндерә башлагыз. Әйләндереп бетергәч, бер-бер артлы табадан алабыз. Туңдырманы җиләк-җимеш яки бөтнек яфраклары белән бизибез.
Следите за самым важным и интересным в Telegram-каналеТатмедиа