Мең дә бер киңәш
Духовкада кыздырылган тавык шашлыгы
4 тавык түше, 1 әр кызыл һәм сары баллы борыч, соя соусы, тоз, кунжут. Форманы майлау өчен үсемлек мае.
Тавык түшен юып, шакмаклап турарга. Савытка салып, тәменчә тоз сибәргә һәм соя соусы агызырга. Болгатырга һәм 30 минут маринадта тотарга. Борычның орлыкларын алырга һәм тавык түше кебек шакмаклап турарга. Маринадланган тавык түшен баллы борыч белән аралаштырып, махсус агач таякчыкларга тезәргә. Өстенә кунжут сибәргә. Шашлыкларны майланган формага тезеп, 180-200 градус кызулыктагыдуховкада 30-40 минут пешерергә. Пешергәндә берничә тапкыр әйләндерергә.
Следите за самым важным и интересным в Telegram-каналеТатмедиа