Пиццаны вулкан лавасында пешерәләр

Гватемалода яшәүче Марио Давид Гарсиа Мансилья Пакайя вулканы янында үскән. Гватемаланың бу вулканы әле дә бик актив. Марио беркайчан да вулканны пицца миче итеп куллана алырмын дип уйламаган.

Бүген Пакайя пиццасы актив вулканга баруның иң якты мизгелләренең берсе: туристлар Мансильяның лава елгалары янындагы янып торган вулкан кыясында пицца әзерләве өчен өстәмә түлиләр.

Марио Давид Гарсиа Мансилья һәрвакыт вулкан белән мавыккан, ләкин 2014 елда гына аның башына пицца әзерләү өчен вулканның көчле эссесен куллану идеясе килгән. Бервакыт ул тауга менгән һәм лава өстендә зефир кыздырган туристлар төркемен күргән. 

Тәҗрибәле бухгалтер буларак, Марио вулканда пешерә алуын, аннан бераз акча эшли алуын аңлаган. Башлау җиңел булмады. Башта стейклар кыздырырга яки тавыкны пешерергә тырышкан, ләкин тиздән эшмәкәр ризык әзерләү һәм бирү өчен үзе белән артык күп савыт-саба йөртергә туры киләчәген аңлаган. Аннары ул пицца турында уйлый.

Беренче тапкыр пицца ясау өчен көчле эсселек кулланырга тырышканда, Мансилья аны яндыра. Өченче тапкыр гына ул кирәкле ризыкны әзерли ала.