500 кар бабай ясаганнар

Кытайның Цзилинь провинциясендәге курорт территориясен 500 бертөрле кар бабайлары бизәгән. Һәр сынның биеклеге ике метрга җитә. Мондый карлы легионны һәр кыш ясау ял зонасы хезмәткәрләре өчен яхшы традициягә әверелгән.

Беренче тапкыр гигант сыннар 2015 елда урнаштырылган. Ул вакытта аларны кул белән ясагннар һәм бу процесс күп вакыт алган. Быел аларны ясау өчен экскаваторлар кулланылган. Шуның ярдәмендә 10 сәгать эчендә 200дән артык кар сыны барлыкка килә. Мондый сыннар туристларны җәлеп итә икән.