"Татнефть" ярдәмендә Рөстәм Нәбиев Эльбрусның ике биеклеген дә кулларында яулаган беренче кеше булды

13 августта «Татнефть» компаниясе иганәчелек ярдәме күрсәткән Уфа блогеры Рөстәм Нәбиев Эльбрусның көнчыгыш биеклеген (5621 метр) яулады, бу тауның ике биеклеген  куллары ярдәмендә яулаган беренче кеше булды, дип хәбәр итә «Нефтяные вести».

Иоанн Чечнев һәм Виктор Стукаловны үз эченә алган өч кешедән торган Россия экспедициясе катлаулы һава шартларында Эльбрусны штурмның дүртенче көнендә яулады.

Башкортстаннан килгән егеткә көчле җил, тирән кар каршы торды,  күреме биш метрдан артмаган томан комачаулый. Эльбрусның Көнчыгыш биеклегенә Көнбатышныкына караганда менүе катлаулырак, дип билгеләп үтә «Нефтяные вести».  Нәбиев төркеме белән бергә биеклекне яуларга 300ләп кеше киткән, аларның күбесе һава шартларына, кислород җитмәүгә түзми кире борылган.

«Икенче күтәрелеш миңа психологик яктан җиңелрәк бирелде, — ди Рөстәм үзе. — Мин инде сабыр итәргә кирәклеген аңладым һәм кирәкле нәтиҗә түзеп көтәргә булдым».

Егетнең сүзләренә караганда, ул соңгы метрларны ашыкмыйча, барыбер бурычны үтәячәген аңлап, узып киткән. Искәртеп узабыз, альпинистларның өчесе дә Көнчыгыш Эльбруска беренче тапкыр килде, бу эйфория һәм уңай эмоцияләр өстәде. Хәзер Рөстәм Нәбиев өенә кайта һәм кыска ялдан соң  Манаслага менәчәк.

Фото: экспедициядә катнашучыларныкы