Көн темасы
Әлмәтлеләр көрәштә гел беренче
"Татнефть" спорт комплексында нефтьчеләр кубогына милли көрәш буенча XXXV Бөтенроссия турниры узды.
Бу юлы көрәшчеләр 70, 80, 90, 100 килограммга кадәр һәм 100 килограммнан артыграк биш үлчәү категориясендә бил алышты. Әлмәтлелән әлеге турнирда да үзләренең өстенлекләрен раслады.
70 килограммга кадәр үлчәүдә Рамил Синякаев (Әлмәт) 1 урынгы чыкты. 80 килограммга кадәр категориядә Марсель Гозәеровка (Әлмәт) тиңнәр булмады. 90 килограммга кадәр авырлыкта Айвар Билалов (Әлмәт),
100 килограммга кадәр үлчәүдә Раил Нургалиев (Теләче) җиңү яулады.
Авыр үлчәүдә Ильяс Галимов (Әлмәт) бу юлы да беренчелекне ычкындырмады.
Следите за самым важным и интересным в Telegram-каналеТатмедиа