Әлмәттә язгы чакырылыш яхшы үтте

Дүшәмбе видеоконференция режимында уздырылган брифинг әнә шуңа багышланды. Республиканың хәрби комиссары Сергей Погодин чакырылыш кампаниясенең оешкан төстә үтүен билгеләп үтте. Бу юлы армиягә каралучыларны нигездә урта махсус һәм югары уку йортларын тәмамлаучылар тәшкил иткән. Уку йортлары арасында әлмәтлеләр арасында политехникум лидерлык иткән. Безнең район бу юлы да хәрби белгечлеккә әзерләү буенча иң яхшылардан аталды. Армия сафларына озатылган 226 егетнең 102 есе "С" категорияле шоферлыкка укытылган.