Әлмәтлеләр агачлардан һәм канализация суларыннан зарланалар

Әлмәтлеләр ишегалларындагы агачлардан зарлана. Кайберләре бик биек һәм яшәүчеләр өчен потенциаль куркыныч тудыра.  Шулай ук халыкны ватык атынгычлар  һәм гаражларда канализация проблемасы канәгатьләндерми. Боларның барысына да июль аенда «Халык контроле»ндә зарланганнар.

Әлмәт ишегалларының берсендә матур яшел коридор барлыкка килде. Проблема шунда ки, ул авариягә китерергә мөмкин.
Җәлил урамындагы 45нче йортта яшәүчеләр сынган агачтан зарланган.

"Берничә тапкыр шалтыратып "Экология"гә яздык әмма нәтиҗәсе юк. Бер ел бу агачларны җыештыруны сорыйбыз. Алар бик иске, ботаклары коры. Көчле җил булганда алар сыналар һәм балалар мәйданчыгына төшәләр. Чаралар күрүегезне сорыйбыз", - дип мөрәҗәгать итте автор.

Әлегә шактый биек агач Гагарин урамындагы 22 нче йортта яшәүчеләрнең иминлеге турында уйланырга мәҗбүр итә.  

Җәлил урамындагы 43 нче йорт артындагы үлән үсүен дәвам итә, әлмәтлеләр компетентлы хезмәтләрдән газон чапкычлар белән урынга чыгуларын сорый.

«Халык контроле» ндә бозылган балалар мәйданчыкларына карата шикаятьләр популярлыгын югалтмый. Җәлил урамындагы 16 нчы йорт ишегалдындагы таганнар кулланырга яраксыз хәлдә.

Шевченко урамындагы гаражлар территориясендәге хәл дә халыкны борчый. Июнь ахырында, Водоканал мәгълүматлары буенча, анда канализация өзелә.  Бер айдан артык вакыт үтте, ә җирле халык әле дә проблеманы хәл итүне сорый.

"Гаражларда проблеманны хәл итмәделәр. Күренеш өчен чистарттылар һәм ташладылар. Фотода күренеп тора. Ис коточкыч. Машинада гаражларга якын килү мөмкин түгел", - ди портал кулланучысы.

"Халык контроле" сервисында әлмәтлеләр июль аенда барлыгы 316 мөрәҗәгать калдырган. Эштә 51, хәл ителгән 125, планлаштырылган 118. 20 гариза мотивлы рәвештә кире кагылган.