Әлмәтлеләрне шарлавыклы буаларда яшәүче тиеннәр язмышы борчый

Халыкны шарлавыклы буалар янында яшәүче тиеннәр язмышы борчый. Социаль челтәрдә үлгән хайванның видеолары барлыкка килде. Язмага комментарий биреп, автор  вольердагы йортларның берсе ишелеп төшкән дип фаразлый.

Интернет кулланучылар комментарийларда үлгән тиеннең вольерда күпме вакыт ятканы турында сорау бирәләр. Аларны караучы бармы-юкмы дигән сорауга җавап бирүне таләп иттеләр.

"Хайваннарны нинди вакыт аралыгында ашаталар һәм эчертәләр, видеодан күренгәнчә, ул инде мумификацияләнергә өлгергән? Аны ник күрмәгәннәр?",- дип мөрәҗәгать итте интернет кулланучы.

"Хайваннарны ашату, карау, аларның тормышы һәм сәламәтлеге өчен җаваплы хезмәткәрләрнең ваемсызлыгы сизелә. Ә бит моны балалар күрә. Хайванның үлем сәбәбе нәрсәдә? Мин инде берничә тапкыр яздым, бу урында хайваннар өчен уңайлы түгел, анда юл буйлап йөрүче машиналардан килгән тавыш, балаларның кычкыруларыннан чыккан тавыш, тимер әйберләргә сугудан килгән кискен тавышлар. Хайваннар анда гел стресс астында. Паркта тыныч урын табып булмыймы? Зинһар, бу минизоопаркны шарлавыклы буалардан күчерегез. Яфраклар да, үләннәр дә, куаклар да юк... хайваннар төрмәсе", - ди башка әлмәтле.

Мөрәҗәгатькә автомобиль юллары идарәсе вәкиле җавап бирде, хайваннар өчен йортлар үз урыннарында урнашканлыгын билгеләп үтте. Һәм, күрәсең, вольерда картлыктан үлгән хайван табылган дип фаразлап.

"Тиеннәрне ике көнгә бер тапкыр ашаталар, әмма ризыкның шактый зур өлешләрен куялар. Суны көн саен салалар. Тиеннәр үзләрен куркынычсызлыкта хис иткән, кеше кулы тими торган урынга кереп үләләр Без тиеннең юкка чыгуын белә идек, әмма аның кайда булуын ачыклый алмадык, күрәсең, яңа тиеннәр аны яшерен урыннан чыгардылар (безнең фараз)"-, дип хәбәр ителә шәһәрнең автомобиль юллары идарәсенең җавап комментариенда.