Әлмәттә хоккей бәйрәме - җанатарлар фестивале узды [+ФОТОЛАР, ВИДЕО]

"Юбилейный" спорт сараенда хоккейны үз итүчеләр җыелды. "Нефтяник" клубының яңа логотибын, команданың яңа уенчыларын тәкъдим иттеләр. Тамашачылар өчен уенчылар белән фотога төшү мөмкинлеге дә булдырылды. Балалар өчен аниматорлар эшләде, хоккей логотибы төшкән футболкаларны да уйнаттылар.
Бәйрәмдә Әлмәт дәүләт нефть институты каршында эшләүче "Голос" җыр студиясе егет-кызлары чыгыш ясады. Иң мавыктыргыч мизгелләрне популяр "Большой куш" һәм "Волга-волга" төркемнәре бүләк итте.
8 сентябрь көнне Югары Хоккей Лигасының яңа сезоны ачылачак. Яраткан "Нефтяник" командасы уенын карарга рәхим итегез!