Әлмәтнең яшь көрәшчеләре республика турнирында 15 медаль яулады

5-6 февральдә Казанда грек-рим көрәше буенча СССРның спорт мастеры Илдус Мөхәрләмовның 70 еллыгына багышлап, "Ак Барс" Көрәш сарае һәм Татарстан спорт көрәше федерациясе призына ярышлар булып узды. Анда Татарстан, Башкортстан, Удмуртия, Марий Элдан 325 көрәшче, шул исәптән бездән 24 яшүсмер көч сынашты. Нәтиҗәдә әлмәтлеләр 6 алтын, 5 көмеш, 4 бронза медальгә ия булды.