Һава торышы
Әлмәтлеләр Казан суын буйсындырды
Казанда "Ривьера" янындагы пляжда яшүсмерләр арасында аквабайк буенча ФСО Динамо кубогына ярышлар узды.
Анда илнең төрле төбәкләреннән 40 тан артык спортчы катнашты. Көрәш алты сәгать дәвамында барды. 14-18 яшьлекләр арасында Әлмәт үсмере Руслан Әгъләмов җиңү яулады. Ул иң яхшы техника өчен дә призга лаек булды. Шушы ук класста тагын бер әлмәтле - Ренат Җәләлов көмеш медаль алды. 12-14 яшьлекләр арасында якташыбыз Дамир Лаутов бронзага ия булды. Профессионаллар арасында әлмәтле Павел Колотовкин җиңү яулады. Безнең спортчы Динара Даутова тамашачылар мәхәббәте призын яулады.
Следите за самым важным и интересным в Telegram-каналеТатмедиа