Синоптиклар кайбер төбәкләрдә температураның кисәк күтәреләчәге хакында кисәтте

Россиянең Европа өлешендә инде бүген үк кисәк җылытачак. Шулай ук җепшек кар һәм бозлавык көтелә.

Бу хакта РИА Новости агентлыгы РФ Гидрометеоүзәгенең фәнни җитәкчесе Роман Вильфандка сылтама белән хәбәр итә.

«Көннең беренче яртысында температура нуль билгесенә якынаячак. Температура 36-48 сәгать эчендә 23-30 градуска күтәрелер дип көтелә. Мондый хәл еш күзәтелми... Пәнҗешәмбе көн уртасында температура 0, +3 градуска кадәр күтәреләчәк», - дип искәртте метеоролог.

Белгеч җепшек кар, яңгыр явачагы, җилнең көчәячәге һәм юлларда бозлавык хасил булачагы хакында кисәтте. Шул ук вакытта, бу әле язның башлануы дигән сүз түгел, диде ул. Аерым алганда, илнең көньягында +10, +12 градуска кадәр җылытачак, әмма инде якшәмбедә үк салкыннар әйләнеп кайтачак.«Татар-информ» агентлыгы шушы хакта хәбәр итә.