Әлмәттә ялган хокук саклаучылар ике ир-аттан 13 млн сум акча урлаган

Әлмәттә мошенниклар ике ир-аттан 13 млн сум акча урлаган 

Татарстанда аеруча зур күләмдә мошенниклыкта гаепләнүче ике кешегә карата җинаять эшен тикшерү тәмамланды.

Тикшерү версиясе буенча, 2024 елда Әлмәттә гаепләнүчеләр үзләрен хокук саклау органнары хезмәткәрләре дип таныштырган һәм җинаять эше фигурантларын акчалата бүләкләү өчен чик кую чарасын сайлау һәм җинаять эзәрлекләвен туктату турындагы мәсьәләне хәл итүгә йогынты ясый алачакларына ышандырган. Шул рәвешле алар бер ир — аттан 5 млн сум, ә икенчесеннән-8 млн сум акча алганнар, акчаларны үзләре теләгәнчә кулланганнар.

Хәзерге вакытта гаепләнүчеләр сак астында. Расланган гаепләү бәяләмәсе белән җинаять эше асылы буенча карау өчен судка җибәрелгән. Хөкем карарын үтәүне тәэмин итү өчен гаепләнүчеләрнең милкенә 750 мең сумлык арест салынган.