Әлмәтлене наркотиклар саклаганы өчен хөкем иткәннәр

 
Матдәләрне аңарда узган елның сентябрендә үк тапканнар.
 
Әлмәттә хатын-кыз наркотиклар саклаганы өчен шартлы срок алган. Бу хакта шәһәр суды матбугат хезмәте хәбәр итә.
Узган елның сентябрендә аңарда 4,6 грамм наркотик матдәләр тапканнар. Бу зур үлчәм булып санала.
Ул гаебен таный һәм үкенә. Аны 2 ел ирегеннән мәхрүм иттеләр, әмма срокны 2 ел сынау чоры белән шартлы иттеләр. Хәзер ул дәүләт органнарында билгеләнергә һәм кисәтүсез яшәү урынын үзгәртмәскә тиеш.