Әлмәттә суд приставлары фирмадан ике миллион сумнан артык бурычларын түләттеләр

Әлмәт районы приставлары эшләрне башкаруга аванс алган компаниядән 2,2 миллион сум акча түләттеләр. Бу хакта Федераль суд приставлары хезмәтенең Баш идарәсе матбугат хезмәте хәбәр итә.

Әлмәт төзелеш компанияләренең берсе төзелеш-монтаж эшләрен тиз һәм сыйфатлы башкаруны үз эченә алган ҖЧҖ белән субподряд килешүе төзи.

Башкаручы компания аванс ала, әмма эшне башкармый.

Шул вакытта заказчы судка мөрәҗәгать итә һәм ҖЧҖ белән контрактны өзә. Суд карары буенча башкаручы компания заказчыга бурычын түләргә тиеш була. Башкаручының вакыты булса да, ул бернәрсә дә эшләми. Шуннан соң суд приставлары компаниянең 160 мең сумлык транспорт чараларын кулга алалар, шулай ук бурычлы хисап ачкан банктан ике миллион сум түләтәләр.

Гомумән алганда, компаниядән ике миллион сумнан артык акча түләтәләр.