Әлмәттә наркотиклар сату белән шөгыльләнүче парны тоткарладылар

Тикшерү нәтиҗәсендә Россия Эчке эшләр министрлыгының Әлмәт районы буенча бүлегенең наркоконтроль бүлеге хезмәткәрләре 34 яшьлек ирнең һәм аның 31 яшьлек хатынының Әлмәт, Яр Чаллы, Түбән Кама, Бөгелмә һәм Лениногорск территорияләрендә наркотик матдәләр сату белән шөгыльләнүен ачыклаган.

Җинаятьчеләр тыелган матдәләрне яшерергә җыенганда тотыла. Тикшерү барышында  полиция хезмәткәрләре алардан билгесез матдәле 14 төргәк тапкан. Аларның фатирында тикшерү үткәрелгән, аның барышында оперативниклар 78 төргәк һәм наркотик матдәле полимер стакан тапкан. Тикшерү 160 граммга якын «Мефедрон» наркотик матдәсе барлыгын ачыклаган.

Әлеге пар үзенең җинаятен таный һәм мессенджерларның берсендә аралашкан билгесез зат күрсәтмәсе буенча наркотик матдәләр алулары турында сөйли. Аннары алар ул матдәләрне  вак  төргәкләргә бүлеп, төрле урыннарга яшерүләрен әйтәләр.

Тоткарланучыларга карата җинаять эше кузгатылган. Фигурантларга карата кулга алу рәвешендә чик кую чарасы сайланган.