Әлмәттә коронавирустан вакцинация дәвам итә

Әлмәт районы башлыгы белән турыдан туры элемтә вакытында әлмәтлеләр вакцина җитмәүдән зарланган иде. Теләүчеләр беренче тапкырдан ук прививка ясата алмады – аларга яңа партия килүен көтәргә туры килде. Бигрәк тә проблемалар беренче компонент белән килеп чыга.

Беренче компоненттан аермалы буларак, икенче компонент белән проблемалар булмаган. 

3 нче хастаханәгә 3,5 мең доза вакцина кайтарылган.

Әлмәттә прививканы район үзәк хастаханәсендә, 3 нче поликлиникада, медсанчастьтә һәм «Панорама» сәүдә үзәгендә махсус прививка пунктында ясарга мөмкин. Прививка пункты эш көннәрендә – 14:00-20:00 сәгатләрдә, ял көннәрендә 12:00-18:00 сәгатьләрдә  эшли. Үзегез белән паспорт, полис һәм СНИЛС алырга онытмагыз!