Тирес чокырында гомере өзелгән

Тукай районының Сосновый бор бистәсе янындагы дуңгыз фермасында була бу хәл. "Камский бекон" җәмгыяте эшчесенең берсе противогаз кимичә бетон коега төшә һәм шундагы парланудан аңын югалта. Аңа ярдәмгә ашыккан икенче эшче дә противогазы булмаганлыктан аңсыз кала. Хезмәттәшләре тиз генә противогаз киеп аларны зыян күрүчеләрдәге бау ярдәмендә тартып чыгара. Иптәшенә ярдәмгә ташланган эшче агуланудан урында ук үлә, ә коега беренче булып төшкәне шифаханәгә авыр хәлдә озатыла.