Суга баткан бишенче бала...

Соңгы очрак 22 июнь кичендә алтынчы яртыда теркәлде. Мамадыш районының Зур Шия авылы янындагы буада була бу хәл. Кечкенә малай велосипедта йөреп туйганнан соң коенып чыгарга дип суга керә. Ярдан ике метр киткәч ул тирән җиргә эләгә һәм бата башлый. Яр буенда балык тотып утыручы яшүсмер малай бу хәлне күреп куркып кача. Ә 500 метрлап ераклыкта печән чабучы ир йөгереп килеп җиткәнче һәм суга баткан баланы эзләп тапканчы эш уза. Малайның үле гәүдәсен генә тартып чыгарырга кала.