Шәһәр паркында бер кызны гайка ачкычы белән кыйнаганнар

Бу хакта зыян күрүченең дуслары социаль челтәрдә хәбәр итә. Түбән Кама паркында кыйналган кыз көч-хәл белән якындагы фитнес-үзәккә барып җитә һәм биредә аңа ярдәм күрсәтәләр. 20 минуттан соң килеп җиткән полиция һәм ашыгыч ярдәм кызга үз хәленә керергә булыша. Әмма кызның һәм аның дусларының күңелендә тирән яра калган: әлеге бәхетсезлек очрагы шаһиты булган узып баручыларның берсе дә кызны якламаган һәм аңа ярдәмгә килмәгән.