Паралич суккан ир-атны янгыннан коткардылар

Әлеге фатирда паралич суккан ир-ат яшәгән була. Тиз арада килеп җиткән янгын сүндерүчеләр һәм ашыгыч ярдәм фатирга тимер ишектән кереп булмавын әйтеп, автобаскыч белән тәрәзәдән керергә була. Алар анда урын өстендә яткан, сөйләшә алмаучы ир-атка тап булалар. Плитәдә исә кәстрүл барлыгы ачыклана. Абзыйны карап, тәрбияләп торучы кеше аны сүндерергә онытып киткән була. Озакламый ул хатын үзе дә килеп җитә. Ашыгыч ярдәм ир-атның хәле тотрыклы булуын әйтә.