Әлмәт районында йөк машинасы белән булган авариядә ике кеше һәлак булган

Колшәрип тимер юл кичүеннән ерак түгел юл-транспорт һәлакәте булды. Анда җиңел машина белән йөк машинасы бәрелешкән.

ТР прокуратурасы мәгълүматы буенча,  Рено Дастерны йөртүче икенчел юлдан чыккан һәм КамАЗга өстенлек бирмәгән.

Нәтиҗәдә алар бәрелешкән, ә 56 яшьлек җиңел автомобиль йөртүчесе һәм пассажиры һәлак булган.

Вакыйга урынына барлык хәлләрне ачыклау өчен Әлмәт шәһәре прокуроры вазифаларын башкаручы Ринас Ибраһимов барды. Тикшерү оештырылды.