6 яшьлек кыз атынгычтан егылып үлгән

Тикшерү комитеты хәзер Казанда булган әлеге вакыйга уңаеннан җинаять эше кузгаткан. Фаҗига Химиклар мәдәният йорты янындагы паркта булган. Кыз әбисе белән йөргәндә инвалид балалар өчен атынгычка утырган. Әлеге атынгыч махсус креслолар ярдәмендә файдалануга исәпләнгән булган. Әлбәттә инде, инвалид булмагач, баланың креслосы да юк. Ул егылып башын һәм эчке органнарын имгәтә һәм ДРКБ да үлә.