Фаҗигаләр
Әлмәттә елга ярында янгын булды
Шаһитлар янгын балалар шуклыгы нәтиҗәсендә килеп чыккан булуы турында сөйләде.
Әлмәттә Советский-Фәхретдин боҗрасыннан ерак түгел Дала Зәе елгасы янында янгын чыкты. Коры үлән янды. Көчле җил аркасында янгынны сүндерү вакыт буенча сузылды, ә төтен исе бөтен шәһәргә таралды.
Шаһитлар хәбәр иткәнчә, янгын урыныннан яшүсмернең качып китүен күргәннәр. Барысы да көндез булган.
Рәсми мәгълүматларга караганда, 10:46 сәгатьтә янгын урынына янгын сүндерү һәм коткару гарнизоны хезмәткәрләре килгән. Янгын мәйданы 300 кв. метр тәшкил иткән. Янгында беркем дә зыян күрмәгән.
Следите за самым важным и интересным в Telegram-каналеТатмедиа