Көн саен Әлмәт чистарту корылмаларыннан 3 кубометрга кадәр чүп-чар чыгарыла

Әлмәттә суның сыйфаты һәм аның белән бәйле проблемалар шәһәр халкының да, җаваплы хезмәтләрнең дә көн тәртибеннән төшми. Соңгылары беренчеләрдән булып канализациянең калдыкларны утильләштерүурыны түгеллегенә игътибар юнәлтәләр. Көн саен чистарту корылмаларыннан өч кубометрга кадәр төрле чүп-чар чыгарыла. 

- Безнең монда ике метр тирәнлектәге өч канал һәм өч дәрәҗә агынты су бар,-дип сөйли «Әлмәт-Су каналы» чистарту корылмалары начальнигы Алексей Ефаров.

Белгечләргә суны чүп-чардан да чистартырга туры килә, аны әлмәтлеләр ни өчендер канализациягә төшерәләр. Экскаватор ковшасында тукыма кисәкләре һәм башка фракцияләр ачык аерыла. Ләкин экзотик табышлар да булган. Борынгы матраслар, курткалар һәм юрганнар да табылган.

– Тәүлегенә бездә 1,1 кубометр күләмендә 5-6 контейнер җыялар, - дип хәбәр итте Алексей Ефаров.

Схемада чистарту корылмаларының ничек эшләве күренә: йортлардан агынты сулар шәһәрнең канализация-насос станцияләренә эләгә. Аннан су чистартуга ага, ә аннан соң сулыкларга кайта.

Сәгать саен операторлар кул белән  чүпрәкләр чыгаралар, чистарталар. Бу процесс күп вакыт таләп итә, һәм аны күңелле дип атап булмый. Җирле халык зарлана торган үзенчәлекле ис, шул исәптән суга эләккән һәм анда черегән чүп-чардан да. Бу инде шәһәр халкының үз куллары эше.

- Аннары барысы да 8 миллиметрлы прозорлы чистарту рәшәткәсенә бара, аннан чүп – чар конвейерга ташлана һәм пресс астына китә, - дип аңлата чистарту корылмалары директоры.

Чүп – чарны пресс астыннан соң чүплеккә җибәрәләр. Ә су чистартуның чираттагы этабына барачак-катнаштыру бассейны һәм аэротэнк.

- Монда ул бассейннан соң актив ләм һәм агынты су катнашмасы рәвешендә килә. Һәм кирәкле кислород күләме бирелгәч, анда ләм уңышлы үсә, үрчи, һәм амонин һәм азотка таркала, – дип хәбәр итте Алексей Ефаров.

2019 елда тулысынча реконструкцияләнгән чистарту корылмалары шәһәргә тапшырылгач, җирле хакимиятнең органик ашламалар җитештерү цехы оештыру идеясе барлыкка килде. Объектның 24 гектар гомуми территориясе моңа мөмкинлек бирә. Бу идеядән баш тартмаганнар, ул киләчәктә тормышка ашырылачак.