Экологлар Урсалинка елгасын тикшерә

ТР Экология һәм табигый байлыклар министрлыгына Әлмәт районы Урсалинка елгасының нефть продуктлары белән пычрануы турында хәбәр килде, дип хәбәр итә ТР экология министрлыгының матбугат хезмәте.

Экологлар урынга чыгып, Урсалинка елгасына эрегән сулар белән бергә эләккән нефть продуктлары эзләрен табалар. Су өстендә характерлы  пленка бар. Экологлар су үрнәкләрен алдылар.

"Дала Зәе елгасына нефть продуктлары эләгү куркынычы булу сәбәпле, ике елга кушылган урында өстәмә пробалар алынды", - дип хәбәр итәләр.

Фото: ТР экология министрлыгының матбугат хезмәте