Әлмәттә Коръән укучылар бәйгесе үтте

Чараны Әлмәт районы мөхтәсибәте оештырды. Анда Әлмәттән һәм республиканың башка районнарыннан 100 дән артык бала катнашты. Алар Корьән сүрәләрен яттан һәм дөрес укуда ярышты.

Бәйге 4 номинациядә оештырылды. Һәр катнашучыга мөхтәсибәт истәлекле бүләкләр таратты, җиңүчеләргә дипломнар һәм кыйммәтле бүләкләр өләшенде. Төп приз - бәрәнне (аны "Аппак" хуҗалыгы директоры Эсгать Пукачев биргән) абсолют җиңүче Абдулла Әүхәдиев алды. Ул Коръәннең 8 өлешен дә яттан белүен күрсәтте.

Бәйгедән соң әти-әниләр һәм балалар өчен чәй табыны оештырылды, укучылар викторинада да катнашты, батутта сикереп күңел ачты.