Мөмкинлеге чикләнгән әлмәтлеләр өчен кафеда чара узды

Шәһәр һәм район мөхтәсибәте «Ансар» хәйрия фонды белән берлектә очрашу үткәрде һәм кунакларга бүләкләр тапшырды. Аш Коръән аятьләрен укып узды.

"Нурлы" мәчете имам-хатыйбы Мәхсүм хәзрәт Нуретдинов шулай ук Аллаһы Тәгалә биргән нәрсәләрнең кадерен белү мөһимлеге турында сөйләде.

«Һәр кешегә тәне сәламәтме, юкмы, рухи ярдәм кирәк», - дип билгеләде «Ансар»  директоры Руслан Бажутов.

«Безгә монда  үгет-нәсихәтләрдән, аралашудан һәм яңа танышулардан файда алу безнең өчен бик мөһим. Без үз фатирларыбыздан сирәк чыгабыз, ә монда ял иттек», – дип  фикерләре белән уртаклаштылар  чара кунаклары!

Фото: «Ансар» фонды