Әлмәтлеләрне Бөек Ватан сугышында Җиңүнең 80 еллыгын бәйрәм итү алдыннан шәһәр суды музеена чакыралар

Әлмәтлеләр Бөек Ватан сугышында Җиңүнең 80 еллыгын бәйрәм итү алдыннан шәһәр суды музеена бара ала.

Әлмәт шәһәр судында 2025 елның 28 апреленнән 30 апреленә кадәр һәм 2025 елның 5 маеннан 7 маена кадәр 8:00-10:00, 14:00-16:00 сәгатьләрдә Әлмәт районы суд системасы тарихы музеена керү мөмкинлеге ачылачак, анда теләгән һәркем Бөек Ватан сугышында Җиңүнең 80 еллыгына багышланган фильм карый алачак. Бөек Ватан сугышында катнашучы туганнары истәлегенә шәһәр суды һәм җәмәгать судьялары коллективы тарафыннан төзелгән стендларны карарга, Бөек Ватан сугышы ветеран судьяларына багышланган экспонатлар белән танышырга мөмкин

Шулай ук биредә  Бөек Ватан сугышында Җиңүнең 80 еллыгын бәйрәм итүгә фойе ясаганнар.

Стеналарга Бөек Ватан сугышында катнашкан суд хезмәткәрләренең туганнары турында сөйләүче фотосурәтләр урнаштырылган. Бу сурәтләр һәркемнең ил тарихы һәм аның геройлары белән шәхси элемтәсен символлаштыра. Алар совет солдатларының батырлыгы гаиләләр һәм буыннар хәтерендә яшәвен искә төшерә.

Әлмәт районы суд системасы тарихы музеенда оештырылган музыка атмосфераны тулыландыра. Бөек Ватан сугышында Җиңүгә багышланган көйләр үзенчәлекле эмоциональ шартлар тудыра һәм килүчеләргә тарихка тирәнрәк чумарга һәм ул вакыйгалар турындагы хәтерне саклауның мөһимлеген тоярга ярдәм итә дип хәбәр итә Әлмәт суды матбугат хезмәте.

Фото: Әлмәт суды