Тракторлар чәчүгә әзерме?

Республикада техниканың язгы чәчүгә әзерлеген тикшерү башланды. Ел саен Татарстанның авыл хуҗалыгы һәм азык-төлек министрлыгы белгечләре машина-трактор паркының төзеклеген дә, үсемлекчелек өлкәсендәге вәзгыятьне дә тикшереп, республиканың алдынгы районнарын һәм предприятиеләрен билгели.
Бу көннәрдә тракторларның әзерлеген бездә дә тикшерергә керешәчәкләр. Чәчү башланырга да бит санаулы көннәр генә калып бара. Беренче эш итеп авыл хуҗалыгы хезмәтчәннәре уҗым һәм азык культураларын эшкәртергә ниятли.