Әлмәттә быел уңыш ничек?

"Урып-җыю дәвам итә. Быел, кызганычка каршы, соңгы елларда күрелмәгән корылык аркасында уңыш яхшы булырга охшамаган. Басуларны тикшерү быел зур уңышларга өмет итү бик авыр булуын күрсәтә", - дип ассызыклады Тимур Нагуманов.

Тимур Нагуманов язгы чорда корылык һәм аномаль туңулар бөртекле һәм техник культураларның торышына бик нык тәэсир иткәнен әйтте. Шул ук вакытта, район башлыгы сүзләренчә, комбайнчылар, бернинди югалтуларга юл куймыйча, уңышны мөмкин кадәр кыска вакыт эчендә җыеп алу өчен максималь эш башкаралар.