Almet Music Lab иҗади-отчет концертына чакыра

Бер атна дәвамында лаборатория катнашучылары өчен төрле төрки коралларда уйнау нигезләре буенча мастер-класслар узды. Энтузиастларга яңа әсәрләр тудыру өчен Төрки музыкаль уен кораллары күргәзмәсенең коллекциясен куллану мөмкинчелеге бирелде (кыллы, тынлы агачлы, перкуссияле кораллар). Иҗат ителгән материалларны «караламадан» «акламага» күчерү өчен чын юрта (Идел буе Болгарының торагына аутентик реплика) эчендә мобиль тавыш яздыру студиясе корылды. Казан музыкантлары, күргәзмә эшчеләре һәм Әлмәт музыка колледжы студентлары эшчәнлегенең уртак нәтиҗәсе булып төрле төрки жанрларга караган һәм бүгенге көн шигъриятенең актуаль темаларын колачлаган бәет, мөнәҗәт, озын көй, такмаклар туды.  

Иҗади-отчет концертына килүче тамашачылар беренчеләрдән булып уникаль материал — Идел буе борынгы музыка сәнгате һәм аның заманча интерпретациясе синтезын ишетә алачаклар. Алга таба бу материал Интернет киңлекләренә, музыкаль платформаларга да чыгарылачак. Концертның махсус кунагы — Татарстанның атказанган артисткасы, «Голос» проектының финалисты — Элмира Кәлимуллина. Чара 18 сәгатьтә башлана. 

Концертка теркәлү  — бушлай, түбәндәге сылтама буенча:
https://yummy-music.timepad.ru/event/1961138/

Концерттан видео-трансляция: 
https://vk.com/video-210971726_456239022 

Лабораторияне «Татнефть» Хәйрия фонды һәм Президентның мәдәни инициативалар Фонды ярдәме белән Yummy Music татар лейблы оештырды. Партнерлар арасында: Татарстан Республикасының Милли китапханәсе һәм VK Music платформасы. 

Афишалар: https://drive.google.com/drive/folders/1Fv3xOiz6zb5QwZ7a6K4szntxOxhAYpm3?usp=sharing

Лаборатория буенча пресс-релиз: 
https://docs.google.com/document/d/1I5kXqqM9Yif3Y7zRzAsQbB5C3jVUNcR2ePRTWnOnj30/edit