«Нефтехимик» хоккейчысын допинг белән тотканнар

Словенияле Жига Еглич хәзер тәүлек дәвамында Пхенчхандагы Олимпия авылыннан китәргә тиеш. Еглич белдерүенчә, ул астмадан дару кабул итүе турында әйтергә оныткан. 
Егличның пробасында фенотерол тапканнар. Чыннан да, ул бронхиаль астманы дәвалауда ярдәм итә икән.
Шулай итеп, Еглич Олимпия уеннарының 1/8 финалында Норвегиягә каршы уйный алмаячак. 
Хоккейчыга карата санкцияләр Олимпиада төгәлләнгәч кабул ителәчәк.