Җәмгыять
Әлмәттә беренче тапкыр бадминтон буенча ярышлар узды
Шәһәребездә беренче тапкыр бадминтон буенча Әлмәтнең шәхси кубогына ярышлар булып узды. Анда 9 команда, 2006 елда туган 80 нән артык яшүсмер көч сынашты.
Катнашучыларны район башлыгы Айрат Хәйруллин, Татарстан бадминтон федерациясенең попечительләр советы рәисе Алексей Демидов, Әлмәт торба заводы директоры Александр Токарев сәламләде. Чарада бадминтонны үстерүгә өлеш керткән тренерлар, спортчыларга район Советы һәм башкарма комитетының Мактау грамонталары, Рәхмәт хатлары тапшырылды. Район башлыгы исә федерациянең истәлекле медале һәм махсус статуэтка белән бүләкләнде. Ярыш нәтиҗәләре буенча җиңүчеләр дә, катнашучылар да бүләкләргә лаек булды.
Следите за самым важным и интересным в Telegram-каналеТатмедиа
Оставляйте реакции
